Fagaa Eftaraana - فجأة إفترقنا Tamer Hosny - تامر حسني

‫[كلمات أغنية "فجأة إفترقنا"]

[المقطع الأول]
فجأة إفترقنا وفراقنا سرقنا من حضن بعض
بعد إتفاقنا ووفاقنا القرب إتغير لبعد
سافر نصيبي بحبيبي وكإن مافيش بينا وعد
واللي أنا رتبته وبنيته ما إتهنتش بيه
قلبي إتلخبط في حساباته متحير مش لاقي حل
مرمي في سجون ذكرياته والوحدة إحساس ممل
نفسي أقابله وأشوفه تاني لو دقيقة ع الأقل
كنت بحبه بجد حتى بعيوبه اللي فيه

[اللازمة]
يا سنين واخداني وكمان واخداه
من بعده بعاني أكبر مُعاناة
حكاياته معايا أنا ما نسيتهاش
والشوق جوايا ناره ما بتهداش
يا سنين واخداني وكمان واخداه
من بعده بعاني أكبر مُعاناة
حكاياته معايا أنا ما نسيتهاش
والشوق جوايا ناره ما بتهداش

[المقطع الثاني]
من حال الدنيا الغريبة مستعجب أصلها بتغر
مرة قريبة وحبيبة وبعدين تسقي كاسات المُر
مش عارف سر التركيبة الخير أكتر ولا الشر
طب هي الأيام الحلوة بتجري بسرعة ليه
جايز أكون غلطان مش فاهم أو جايز جداً أكون صح
جايز من كتر اللي بشوفه وأنا بخرج من فرح لجرح
ويا عالم إيه تاني هيجرى دلوقتي أو بكرة الصبح
وإزاي هتخلص من خوفي وأتغلب عليه