Practice Diib

[مقطع وحيد]
عطيتك التيوري و دابا جايب ليك البراتيك
غاع الي دايز جاي معيط كانقولو بلاتي
واخا نعطيك قنطار عقلك كايستوعب غا 2 غرام
حيت دماغك مونطاليطي فايسبوك و انستاغرام
الصديق ...سمح لامافهمتيش اش بغيت نقصد
حيت فبلاد الزين الي فيك واخا تزرع محال تحصد
ختاريت نبقا بدون حيت كرهت المقرار
راه الكلخ فصندوق كحل كاين فقلب كول دار
بلاد المسلمين فيها الحاكم نهب شعبو
فعيد العرش أنا كانعيط للعيالات يندبو
خاصك شي بيسطون ولا تكون ولد فلان
كنتي ولد باب الله اجمي غايضربك تران
شحال قريتي من كتاب ماشي شحال كميتي من جوان
شحال جلتي . شفتي . عرفتي . الغدر فغاع اللوان
تا راه المغربي حيوان ... وصحابو غير مكابيت
كولشي تبع القضيب ... هذا العالم التالت
حاضيين البنات واش عندهوم الموسطاج
حضي غير راسك راه بلاد دارة لبوك الكورطاج
تاراه المغربي حصل غا فترطيبة و ديكاباج
تعليم أكبر كذبة و سيستام بكرو غشاش
اه شبعنا تكلاخ من الجلبة حتى للماء الروبيني
بلادي خاصها شي سبة باش تقدفني تجليني
مابقاتش فالبارفيكس خاص الدماغ الي يتريني
ودماغي كايقولي ريسكي و خلي سطافيط تديني
حاول تفهم المعنى والمغزى الي بين السطورة
وفاش تسالي البراتيك ... دووز للصبورة
هذا صطاج أخر من الموسيقى د الديب
حيت المغرب مريض تمنيت نكون طبيب