Shayateen - شياطين Muslim (Egypt) - مسلم (Ft. Houda Bondok - حودة بندق)

[المقدمة]
معمل تجارب الصحاب شطب خلاص بطل
من كتر إخلاص الكلاب حبوا الكلاب أكتر
عشان فلوس أو مصلحة في صحاب بتتفصل
مين فيكوا صاحب من البشر ما تخانش؟ يتفضل
(زيزو فاروق)

[المقطع الأول]
حللت أنا دم صحابي طلع فاضي وما فيهوش سلكان
الغدر لقيته إيجابي، الكدب ده عادي وكله شمال
العيب بيقولوا ع العيب، شفت عجايب من الأندال
مالقيتش فيهم ولا واحد كان في الشدة راجل سندال

[اللازمة]
فلتروا قبل ما تختاروا لأحسن تخسروا في صحاب تعابين
يلبسوا طقم الجدعنة، يحلفوا إن إحنا غير التانيين
تتفاجئ إنك كنت مصاحب شلة من الشياطين
والعين ما تحبش لأحسن منها وكله بقى بوشين

[المقطع الثاني]
الميكروسكوب مش شايف ليه غير غل ونفسنة؟
الإخلاص سالب خالص، ناقص فيتامين جدعنة
هديكوا الوصفة ياريت تنجزوا دي الحالة مستعجلة
نضفوا ضمايركو السودا، إنزلوا على أقرب مغسلة

[اللازمة]
فلتروا قبل ما تختاروا لأحسن تخسروا في صحاب تعابين
يلبسوا طقم الجدعنة، يحلفوا إن إحنا غير التانيين
تتفاجئ إنك كنت مصاحب شلة من الشياطين
والعين ما تحبش لأحسن منها وكله بقى بوشين