El Oda - الأوضة Eldab3 - الضبع

[المقطع الأول]
الأوضة دي عماله تضيق
بقالي مرمي جوها كتير
وأنا هنا الوقت بيطير
وأنا هنا البعد بيزيد
من قلب الأوضة دي بابتدي
مالقتش نفسي في وحدتي
مش سايب حاجة في سكتي
لازم أنجز دي فرصتي

[اللازمة]
الثواني مش بتيجي تاني
مسكا فيا مش سيباني
تيجي وتروح وأنا في مكاني
مش سامعها مش شغلاني
ماعنديش فضول
أطلع بره وأشوف
حاطت سقف للطموح
فا هفضل قاعد مش هقوم
طفي، طفي، طفي النور
طفي النور

[المقطع الثاني]
سيبوني أغرق في الهدوء
طفي النور، طفي النور
في وسط العتمة بتحرك
في وسط العتمة بتصرف
متقلقش هوصلك
متقلقش وتصوت
في حاجات مش بتتعوض
ومش كل لقطة تتصور
هنا سهل تتهور
مش كل دور بيتحضر