Tanan Gloc-9 (Ft. LIRAH)

[Chorus: LIRAH]
Bakit hindi ka naman dumating
Sinadyang biguin mo ang aking hiling
Bakit hindi mo ako hinintay
Kailangang ibigay ko ang aking kamay
Sa taong hindi ko naman minahal
Ngunit 'di nagtagal kami ay kinasal
Bakit hindi ka naman dumating
Sinadyang biguin mo ang aking hiling

[Interlude: Gloc-9]
Pagsapit ng Pas–

[Verse: Gloc-9]
Alam ko, 'di boto sakin ang iyong mga magulang
Kasi kung ano mang meron akong kokonti ay kulang
Perang laman ng pitaka ko ay kay bilis mabilang
Sasahod na 'ko sa Lunes kaya pwede na mangutang
Pero kahit langit ka't lupa ako, alam mo?
Ngayon lamang ako naglakas-loob ng ganito
Lalo na nung nalaman ko na may pag-asa ako
Pakiramdam ko ay kayang-kaya kong buhatin ang mundo
Ayun na nga, pinayagan mo akong sunduin kita
Hawakan ang iyong kamay kahit nakatingin sila
Kitang-kita ko ang aking saya sa 'yong mga mata
Wala tayong pakialam sa sasabihin ng iba
Tuwang-tuwa ka sa mga regalo kong di mamahalin
Kahit nasa mumurahin, sabay tayong kumakain
Ako'y nagpapasalamat kahit na 'di madasalin
Pero bakit nag-iba yata ang ihip ng hangin
Hanggang isang araw eh parang iniiwasan mo ako
Hindi na kita masilayan kahit na sa bintana nyo
Ilang linggo ang lumipas
Nagbakasali ako
Buti na lamang at sinagot mo na rin ang tawag ko
"Bakit ka umiiyak, ano bang dahilan?
Parang awa mo na Susan, sabihin mo naman
Narito ako para sayo kahit ano pa yan"
Pero 'di ko inaasahan ang kanyang naging kasagutan
"Gusto akong ipakasal ng aking ama sa iba
May hihilingin ako sayo, sana ay pumayag ka
Bago magsimbang gabi dun sa lumang talipapa
Sasama na 'ko sayo basta hihintayin kita"
Dali-dali akong umuwi hinakot ang damit
Dalawang maong, limang kamiseta kaso isa'y punit
Ngunit ang mundo'y sadya nga yatang napakalupit
Dahil kaming dalawa'y di na magkikita pa ulit