Schötzefess Bläck Fööss

On this page, discover the full lyrics of the song "Schötzefess" by Bläck Fööss. Lyrxo.com offers the most comprehensive and accurate lyrics, helping you connect with the music you love on a deeper level. Ideal for dedicated fans and anyone who appreciates quality music.

De Stroß es jefäch un et Wedder nit schläch
Jirlande un Fähncher schmöcken d'r Wäch
Om Schötzeplatz steit och et Zelt schon parat
Et jrößte un schönste, et wod nit jespart
D'r Schötzezoch stellt sich am Spretzehuus op
D'r Hot faß om Kopp un de Botz schön salopp

Hundertfuffzich Mann un en Fahn vürrendran
Un de Musik fängk mem Schneewalzer an
En ener Kutsch met zwei Päd
Setz d'r Künning dren un sät:
Zwei, drei, Scheeße mät uns frei!
Jrön, jrön, jrön steit de Schötzejunge schön
Jrön, jrön, jrön steit de Schötzejunge schön

Am Kriejerjedenkmal weed halt jemat
Un d'r Adjutant hat en Jedenkred parat
Hä nemmp singen Hot af un sät wat hä denk:
"Et Leben is schwer un mer kritt nix jeschenk"
D'r Zapfenstreich lös jetz dat Trauerspell op
Un jeschlossen marschiert mer zom Schötzeplatz rop

Hundertfuffzich Mann un en Fahn vürrendran
Un de Musik fängk mem Schneewalzer an
En ener Kutsch met zwei Päd
Setz d'r Künning dren un sät:
Piff, paff, d'r Vogel muß eraf!
Jrön, jrön, jrön steit de Schötzejunge schön
Jrön, jrön, jrön steit de Schötzejunge schön

Previous Lyric Next Lyric