Qəfil Gediş Abbas Bağırov

[Bənd 1]
Sən ümid çırağı olmuşdun mənə
Ayrıldıq, bu gündən söndü çırağım
Qayıtmaq eşqinə düşmüsən yenə
Daha xəzan olub məhəbbət bağı

İtib aramızda, inam, etibar
Qayıdıb gəlməyin nə mənası var?
Özün də çox gözəl bilirsən bunu
Yalançı aşiqin bərk cəzası var

[Nəqərat]
Qəfil gedişinlə yazı qış etdin
Yağdırdın başıma yağış, qar, dolu
Nə fəryad, nə haray, nə ah eşitdin
Bağladı qarşımı həsrətin yolu

Qəfil gedişinlə yazı qış etdin
Yağdırdın başıma yağış, qar, dolu
Nə fəryad, nə haray, nə ah eşitdin
Bağladı qarşımı həsrətin yolu

[Bənd 2]
Qul oldum eşqinə, budurmu qismət?
Budurmu gözündə yaş olan istək?
Sənə yar deməyə dilim dönməyir
Qayıtma, get, düşün, öz cəzanı çək