Ayrı Sahillərin Eyni Dalğası Abbas Bağırov

Abbas Bağırov – Ayrı Sahillərin Eyni Dalğası

[Bənd 1]
Ömrün hər ilinə bir ümman dedim
Niyə uzaq saldı bu illər bizi?
Bir az sən geciksən, mən tələsəydim
Bəlkə ayırmazdı bu illər bizi

Yaxın bir sevginin uzaq nidası
Ürəyi şimşəktək odlayıb keçir
Ayrı sahillərin eyni dalğası
Doğma qəlbimizdən odlayıb keçir

Gecə şirin-şirin mürgüləyəndə
Seyr edər ay səni, kəhkəşan səni
Mən səhər küləyə “əsmə” deyəndə
Kim isə oyadar yuxudan səni

[Bənd 2]
Keçirsən, quş olub qanadlanıram
Amma ucalmağa üfüq çatmayır
Səni mələklərə mələk sanıram
O isə qanuni bir arvad sayır

Qoşa keçərsiniz, yaxın gəlmərəm
Mən yoxam yanında, nə zaman o var
Gözümü qaldırıb baxa bilmərəm
O isə istəsə, əl də qaldırar