Mir han e hätz für kölle Bläck Fööss

Su alt mer weed mer blieven Jecke
Un mer luure jän zoröck
Op dä Wääch dä mer jejange
Met ner kleine Troon em Bleck
Kölle es un bliev uns Heimat
Janz ejal wat och passeet
Et hät noch immer jot jejange
Selvs wenn die Welt ens ungerjeit

Refrain:
Mer han e Hätz för Kölle
Uns ahle Stadt am Rhing
Mer han e Hätz för Kölle
Su weed et immer sin
Bes Du he nit jeboore
Dat es doch janit schlemm
Wichtig es woför et schläät
Dat kleine ruude Ding

Wat jeit he af die letzte Johre
Wat han se bloß met uns jemaat
Ze vill jefiert, ze vill verjesse
Un zo wennich noh jedaach
Wenn mer uns jetzt ens all besenne
Es et villeich noch nit ze spät
Jo, dann künne mer nor jewenne
Wenn jeder endlich jet dran deit