Emirates Clementino (Ft. Rocco Hunt)

[Testo di "Emirates" ft. Rocco Hunt]

[Strofa 1: Clementino]
Aggio visto 'a morte e mo me sento overo
Ultimamente me circondo sulo 'e gente seria
Ê quatto 'a notte io stevo in giro già ch''e lente nere
Ma, quando lotte, ê vote vide ca niente s'avvera
"Aiutete ca Dio t'aiuta", diceno addu me
Da quanno, fra', steva araputo ancora 'o Bambuleo
Nuje sott''e casse abballavamo 'int'a Hill Country Club
E sott''e strobo appicciate, sì, ma erano ati tiempe (E comme stevemo)
Circondate dê fiamme, ma nn'so' fujuto
Perché 'a gente s''o scorda si te n'hê juto
Mo traso 'int'ô salotto 'e Rai 1
C''o sigaro, 'e pantofole, 'o giurnale, fra', nun dá retta a nisciuno
Aggio visto leccá 'e cule d''e cchiù forte
Ma sulo pe fá rummore (Sulo pe fá rummore)
'O successo 'e chella foto po nn'te resta manco pe nu paro d'ore (Yeah)

[Ritornello: Clementino & Rocco Hunt]
Me pigliasse nu volo mo mo
Senza manco 'e valigie, nu posto luntano, na vita nova, ma addò?
Quanno piglie na strada, saje chello ca lasce, no chello che truove, no
Forse 'stu posto nn'ce sta nemmeno
Oppure chi 'o sape tene 'o segreto
Nu tramonto arancione culora 'o cielo
Me pigliasse nu volo mo mo
Na città, nu Paese, addò nn'fosse nisciuno, na vita nova, ma addò?
Quanno piglie na strada, saje chello ca lasce, no chello che truove, ehi
'Int'a nu posto c''o sole
Addò lascio 'e penziere luntano 'a me
Se chiagne pure 'int'a n'Emirates