An Ròs Runrig

Ged 's brèagha tha an ròs le dhuilleagan sìoda
Fàileadh cho cùbhraidh, cùbhraidh bho chridh’
Na buain e rid mhaireann oir nì e do mhealladh
Tha dubhan geur puinnsein, geur puinnsein fo sgèith

Chreid mi na briathran, a h-uile nì riamh dheth
Gur brèagha 's gur cùbhraidh, cùbhraidh am blàth
Bhuain mi am flùran, mar Àdhamh an ùbhlan
'S leònadh mo chridhe, mo chridhe gu bràth

[Instrumental]

Tha mi nis a’ crìonadh is m' inntinn air phianadh
'S mo shùilean a' sìor, sìor shileadh dheur
'S ged 's tric rinn mi gàire, tha sin nis air an fhàire
'S mo chridhe briste brùite, brist' brùite gu lèir

Ged ’s brèagha tha an ròs le dhuilleagan sìoda
Fàileadh cho cùbhraidh, cùbhraidh bho chridh’
Na buain e rid mhaireann oir nì e do mhealladh
Tha dubhan geur puinnsein, geur puinnsein fo sgèith