3015 - ٣٠١٥ El Joker - الجوكر

[المقدمة]
مش إنتي نفس الواحدة مع إنها نفس القصيدة
بتعقد فبتتعقد كل جُملة كانت بسيطة
بس أنا الحمد لله، مُتأقلم إلى حدٍ ما
ظهوري الأول الحقيقي بعد تمام تسع أجيال

[المقطع الأول]
أنا آسف إتأخرت عليكي في الرسالة الأولي
الأفكار مكانتش راضيه تتكتب جُمل موزونة
الأرض بدأت تخلص فالناس إتسعرت إجمالاً
الكوكب أصبح ضلمة وبدأ يسكت آله آله
كل ما زاد الوضع سوء سطوري بتغلي في عينهم
لو كل قريش سادة مكانش الدين إنتشر بينهم
كل شئ نسبي لكن إجتمعت الإختلافات
علي كون الإختفاء لكبر علو قرب مش إختفاء
دايما شبه بعض بس العيب في عينك إنت
أي جُملة في التراك تتقال في أي حتة
إنتي شعري وبيتي مكانك بين الورقة وبيني
مفيش حاجه مبتعرفش تبقي شبهك انتي في عيني
دايماً ربطانا حاجة حتى لو ملهاش مُسمي
بكتبلك إنتي بمعني مُختلف عن معني العامة
من غير ما أقابل خِضر فيا موسي بعد سفره
يونس في بطن الحوت مش في التخلي عن اللي كفروا

[اللازمة]
مبقتش أشك إنك هتفهم من كُتر اللي فاتك
زي ما تقول الوقت إتأخر على إنك تعيد حساباتك
لو عيشنا قد بعض كانت المعاني وصلت
المضحك إني قلت كل حاجة وبرضه حصلت
مبقتش أشك إنك هتفهم من كُتر اللي فاتك
زي ما تقول الوقت إتأخر على إنك تعيد حساباتك
لو عيشنا قد بعض كانت المعاني وصلت
المضحك إني قلت كل حاجة وبرضه حصلت