Tanja For Life - طنجة فور لايف Muslim - مسلم

[المقطع الأول]
من صغري وأنا نسمع طنجة لعروسة
ملي كبرت جربت بغيت نبوسا
خلاتني ومشات تضحك معووسة
مع لغريب، وترمي عليه الفلوسة
كنشوفك فحال شي وردة معفوسة
كنشوفك جنة بحال مندوسة
شحال كبرتي و كتروا فيك الكنوزة
و حلاوتك بدات كتجيني مسوسة
تبدلتي وليتي بوقوسة
و زوجوك و ما كلينا فقوسة
ضحكتي بزاف حتى بانت لك السوسة
و ملي عقتي ، بقيتي مقروصة
نسيتي بلي راكي عندي فالقلب مغروسة
محال تهون عليانشوفك مفروسة
بغيتي ولا كرهتي راكي فالقلبي محبوسة
وانا الحر ، فالزناقي المنحوسة

[اللازمة] (X2)
فيها خلقت فيها كبرت فيها ضحكت فيها بكيت و دايمن جارية فدمي
طنجة فور لايف
فيها نعيش فيها نموت فيها كتبت بدمي على لحيوط اسمي
طنجة فور لايف

[المقطع الثاني]
قالولي مدينتك كتعطي للبراني
قلتلهم مدينتي عارفاني أناني
حيت هي مدينتي أنا لي غنعطيها
جيب العز ، ولا كحز خليها
حيت طنجة عندها طبيعة متمرمدة
وخا تقساح عليا ، كنبقى ولدها
شوف انتا لي باغي تبدل الجلدة
طنجة ، عمرا تربي الكبدة
ولادا فالحبس و فالغربة ولا ماتوا
ولي بقى ، لحضنها ضماتو
يا طنجة قلي شكون علمك تسهر؟
قلي علاش ماقديت نعطيك الظهر؟
عاملالي سحور مدفون فقاع البحر
كل ما هجرتك ، وحشك يظهر
طنجة العالية ، ديما غالية
راك دايمن فالدم ، واخا الدنيا فانية