AiD Vuracaq Qol Orkhan Zeynalli

[Nəqərat]
Qara küçələr bol - şəhərin hər tini dinləsin, yelləsin əlləri
Təbim gecələr bol - zəhəri dərdimin bitməsin, doldursun dəftəri
Qara küçələr bol - şəhərin hər tini dinləsin, yelləsin əlləri
Təbim gecələr bol - qapısın bərk bağla beyninin, AiD vuracaq qol!

[Bənd 1]
Repim səni sıxır kommunal borc kimi
Sən xəritədə yersiz Kamboca kimi
Gir qucağa, çağır çağa kimi köməyə məni
Ya da yağ bıçağı götür, gəl öldürməyə məni

Sevgilinin gözünü yum səhnəyə mən çıxanda
Özüm gəlməmişəm, arzuladın, mən çin oldum
Sən “brak” doğulmusansa, günahkar Çin deyil, ''bro''
Cəmiyyətə yeni nəfəsdir bu, içində mentol

İntellektual, qlamur qızlarımız “tipo-tipo”
Baxdıqları kino - ''Titanic'', bir də ''Zita-Gita''
''O margarito...'' Bura Bakı, yoxsa bura Kito?
Dilindəki ton, elə bil ki, sözü çəkir iki ton

''Brand''lər ən yaxın dost dar gündə, hər işdə
Efirlər həyat öyrədir həm əvvəldə, həm “finish”də
Və bizə qarşı olan bəzi-bəzi verilişlər
Bilin, biz ildən-ilə yüksəlişdə, siz enişdə