Mən və Sən Qaraqan (Ft. AYKA)

[Verse 1: Qaraqan]
Gözlərin iki okean, göz yaşların aysberq
Mən içində kiçik balıq
Hələ bitməmiş bir roman, povest
Hələ başlaya bilməmiş bir nağıl
Yenə yaralıdır qanadlar, uça bilmirəm sənsiz
Necə yorulub ayaqlar, qaça bilmirəm səndən
Məni bağışla, tərk et, tez get
Sevgim qaralama dəftəri, sən yaralarıma dərman, zamandan yaxşı
Qəlbim qorxaq uşaq kimi, kim deyir acı həqiqət şirin yalandan yaxşı?
Bakının boz küçələri, sentyabr, bir az külək, ara bir yağış
Bəlkə öləcək sevgimiz, amma qoy hələ yaşasın mahnımız

[Chorus: Qaraqan]
Bütün arzularımıza da buz
Nə qalar məndən sənə iz?
Bir ürək, bir alov, bir köz
Bir az döz, bir az döz
Yaz bir məktub, ya da bir söz
Bir soyuq baxış, ya da hiss
Artıq mən və sən deyil biz
Sən mənsiz, mən sənsiz

[Verse 2: Qaraqan]
Gecə gündüzə qarışıb, sən yoxsan
Otaq boşdur, zəng gəlmir
Buz döşəmələr, pəncərəm pərdəli
Sənin incə əllərin
Sənin incə əllərin məni isidərdi
Kobud qollarım səni qoruyardı
Şirin sözlərin məni yaşadardı
Keçmişə bir günlük qayıdardım, mən qayıdardım
Dəyişərdim, tanımazdın
Kaş mənim həyatımda heç olmazdın
Kaş ləpələr sahilə gəlməzdi
Kaş sahil dənizini sevməzdi
Onda dalğalar da geri dönməzdi
Bala balıqlar quruda ölməzdi
Qələm əllərimdə kül olsa da gülmürəm
Sənsiz ölərəm deyirdim, amma ölmürəm