Wie fröher, nur späder Bläck Fööss

[Songtext zu „Wie fröher, nur späder“]

[Strophe 1]
Alles hät sing Zick, doch manchmol jeiht et m'r zo flöck
Un ich stonn wie ne Ohß vürm Berch
Wat jestern noch dä Bröller wor, dat hät hück ald jraue Hoor
Un ich luur blöd us d'r Wäsch

[Pre-Refrain]
Doch wenn mir zosamme sin
Es alles, wie et immer wor
Dann sin m'r widder meddendren
Selvs noh all dä lange Johr

[Refrain]
Weil dann es alles su wie fröher, nur späder
Un jeder singk su laut hä kann
Un jeder föhlt sich su wie fröher, nur jet späder
An dat Jeföhl, do kütt nix dran
Sulang mir uns han

[Strophe 2]
Jeden Daach en Sensation, et muss hühеr, schneller, wigger jonn
Och wеnn de langsam nix mih kenns
Ejal, wie lang et Levve jeiht, nix es für die Iwichkeit
Die Zick, die läuf nit, nä, se rennt