MFOUTI Youppi

[اللازمة]
خارج صباح à l'aise أنايا و نتايا m’dégoûté
تشكيلي مالأوضاع، مالتشومير و راك مفوتي
حاب تدير العط بزاف و تخرج من la routine
طامع فـ Porsche، و ما عندك Maruti

[المقطع الأول]
تقتلني بالسلبية، نولي كيما نتايا
حاب تحشيهالي و نتا تولي كيما أنايا
حايب نهرب منك، راهي باينة الحكاية
صاحبي، حبيت تشكي اشكي للمراية
ـmais nta négatif، يا حفيظ، يا لطيف
اضحك شوية علاش راك حاب تبان عنيف؟
تفوّت نهارك ڤاع تدراڤي في رصيف
تخلاص عليك بـ "آرا كاشي، آرا سيف"
مي نتا سامط سامط، طالع هابط
تعس فالناس إذا داروا التاويل
وجهك زابط زابط روحك رابط
راك تدور غي فالحومة نهار و ليل
امشي قيلني، نتا ما تفيدني
قاعد في بلاصة و تتخايل روحك في Sydney
مورالي يفسدلي، عاللقمة حاسدني
حاب تعرف صوالحي بلا ما تدي إذني!
تعرف شعال تلبس الجارة في رجليها
تعرف شعال يخلص باباها و شعال يعطيها
تعرف صاحبها و علابالك وين راه يديها
تعرف حتى le vernis لي تديرو في يديها
تعرف الصاشي تع الجار واش فيه
واشبيك؟! واش خذاك؟ واش، نسيت روحك ڤاع!
تشوف الناس و واش كاين كاش جديد
كاش vide ؟ ياك نتا خدمتك تعمر القرع
صاحبي نتا وجهك صحيح قصدير
عينيك كبار، المخ صغير، ماكاش pire
واش تربح من طبايعك؟ اعطيني تفسير
تقعد في كوانة، تشوف كلش بالتفصيل