Böyük Ümidlər/Xatirədir Orkhan Zeynalli (Ft. Çinarə Məlikzadə)

[Bənd 1]
Doğulmaq yadımızdan çıxardığımız ilk addımdır
Necə ki qalmır yadda ilk öpüş, ilk laylalar
Bir gün qabaq yox idin, bu gün isə həyatın var
Heyif, olmur qoymaq şərt doğulacam, olsa qayğılar

Axmamış yaş qədər təmiz qucaqda böyümək hissi
Adam qayıdıb keçmişə, yenidən böyümək istəyir
Biz axı göylərin sevən qəlblərə hədiyyəsi idik
Onların yerinə bütün xoşbəxtliklərə “hə” deyəsi idik

Zaman heç nəyi gizlətmir, zaman heç nəyi sağaltmır
Zaman göstərir, sən demə, xoşbəxtlik, biz olsaq, artmır
Biz bəzən şəfəqləri bitişdirib edirik parıltı
Bəzənsə parçalanan qaya arasında son qırıntı

Gözünü yum, qorxma, bir azdan bitəcək səslər
Küsmə taleyindən, o, heç nəyi etmir qəsdən
Azalacaq səslər, azalacaq səslər
Valideyn sayı azaldıqca azalacaq səslər, hey

[Nəqərat]
Niyə çıxdıq yola biz?
Dəli olub bu dəniz
Bir adadır sevgimiz
Hər yanı xatirədir