Ağ Çiçək Elmira Rəhimova

[Bənd 1]
Səhər çağı göy meşədən
Dərdik səni, ağ çiçək
Bəyaz-bəyaz varaqlara
Sərdik səni, ağ çiçək

[Bənd 2]
Birdən-birə ağ əllərdə
Təzələşdin, ağ çiçək
Ağ əllərdə elə bil ki
Ağ atəşdin, ağ çiçək

[Bənd 3]
Bu gün başqa bir çəməndə
Gördüm səni, ağ çiçək
Ağ əllərin hərarəti
Yoxmu səndə, ağ çiçək?

[Bənd 4]
Soyuq-soyuq boylanırsan
Söylə neçin, ağ çiçək?
De, səndəmi həsrətlisən
Ağ əllərçin, ağ çiçək?

[Çıxış]
Soyuq-soyuq boylanırsan
Söylə neçin, ağ çiçək?
De, səndəmi həsrətlisən
Ağ əllərçin, ağ çiçək?