Canzone appassiunata Claudio Villa

[Testo di "Canzone appassiunata"]

'N'albero piccerillo aggiu piantato
Criscènnolo cu pena e cu sudore
'Na ventecata giá mme ll'ha spezzato
E tutt' 'e ffronne cágnano culore
Cadute so' giá 'e frutte e tutte quante
Erano doce e se so' fatte amare
Ma 'o core dice: "Oje giuvinotto amante
'E ccose amare tiénele cchiù care"

E amara comme sî
Te voglio bene
Te voglio bene
E tu mme faje murí

Era comm' 'o canario 'nnammurato
'Stu core chе cantaje matina e sera
"Scétatе" io dico e nun vò stá scetato
E mo nun canta manco 'a primmavera
Chi voglio bene nun mme fa felice
Forse sta 'ncielo destinato e scritto
Ma i' penzo ca 'nu ditto antico dice:
"Nun se cummanna a 'o core"
E i' mme stò zitto