Takka - تكة Arsenik - أرسينِك

[المقدمة]
(أنا دمي فلسطيني)
(على أرضي تلاقيني)
(أنا دمي فلسطيني)

[المقطع]
آه، يا أهل غزة الحرة بناسها، إخواتك آسفة
والبقاء لله في شهداء النكسة
جف الريق من كتر اللسان ما عزا
وعارف مهما أكتب على الورق تفضل كلماتي ساذجة
عارف إن صوتي مش هيحل أزمة
عارف إن قولي مش هيوقف قنابل ناسفة
نازلة تاخد كل أطفالك وأنصارك عاجزة
لكن صوتنا آخر بقايا أسلافنا
ودمهم فيا بيغلي ومش قادر أنسى
آه، وحياة البلد، وحياة الألم
وحياة كل راجل إتدفن، وحياة كل كفن
وتار كل ظالم إفترا هتدفعوا التمن
حاجات ما بتتغيرش مهما يتغير الزمن
كل ده التاريخ هيكتبه، مين يكدبه؟
الحق ظاهر لو تنكره، ولإمتى تنكره؟
أنا مخ الطفل اللي الأعلام بيحاول يغسله
أنا كل صوت السوشيال ميديا بتحاول تكتمه
أنا كل ده هحكيه لولادي وعيال ولادي
يكبرو يجيبو حق إخواتي من الأعادي
تسمع وَسَطهم الأعلامي يقول إني إرهابي
وناس مننا ماشيين في وادي والرجولة في وادي
أنا الطفل اللي شاف إخواته على شاشاته
بيموتو كل يوم قدامه، يجوله في منامه
كبر بس الطفل اللي فيه بيخرج عن سكاته
أنا مصري وأخويا فلسطيني اللي الموت يخافه
آه، الزمن بيعيد نفسه
خصمي هجيب آخره
أرميه بسهمه
حق إخواتنا قريب راجعين ناخده
جايين نغزو
صوت الحق يطغي لو مين كاتمه
هيجيه يقابله
فيا أهل غزة الحرة بناسها
إخواتك على أتم إستعدادها
بس فاضل تعرف معادها
وإحنا مش عاجزين والعار بجد كان لو سكتنا
وإحنا إتوهبنا فبناخد بأسبابنا
والشعب على تكة