Ayrılıb Gedirəm Ədalət Şükürov

[Bənd 1]
Bilmirəm, sən məni kimə tay etdin?
Gül kimi sevgimi niyə zay etdin?
Ah, həsrəti, hicranı mənə pay etdin
Ayrı qalmaq üçün səndən, kədərdən
Ayrılıb gedirəm mən bu şəhərdən

Mən elə yanmışam külüm qalıbdır
Allaha tək borcum ölüm qalıbdır
Ən böyük hədiyyən zülüm qalıbdır
Eşqimi salmısan gözdən, nəzərdən
Ayrılıb gedirəm mən bu şəhərdən
Ayrılıb gedirəm mən bu şəhərdən

[Nəqərat]
Səni sevmək başa gəldi çox baha
İçimdə arzular yetməz sabaha
Səninlə üz – üzə çıxmırıq daha
Bəlkə, sevinərsən sən bu xəbərdən?
Əlvida, gedirəm mən bu şəhərdən!

[Bənd 2]
Bilmirəm, bəlkə də yenə sevirəm?
Getməklə özümə əzab verirəm
Mən sənsiz gedirəm, sənsiz gedirəm
Bilmirəm, xəbərin varmı xəbərdən?
Əlvida, gedirəm mən bu şəhərdən!