Eh Fi Amal - إيه في أمل Fairouz - فيروز

[المقطع الأول]
رغم الزهر اللي متَلِّي الحقول
شو ما تحكي وتشرحلي وتقول
حبيبي، حبيبي، تَا نرجع لأ مش معقول
عندي سنونو وفي عندي قرميد
وبعرف شو يعني إذا إنت بعيد
بس حبيبي إحساسي ما عاد يرجعلي من جديد
في أمل، إيه في أمل
أوقات بيطلع من ملل
في أمل، إيه في أمل
أوقات بيطلع من ملل
وأوقات بيرجع من شي حنين
لحظات تَا يخفّف زعل
وبيذكّرني فيك لون الشبابيك
بس ما بينسّيني شو حصل
رغم الزهر اللي متَلِّي الحقول
حبيبي، حبيبي، تَا نرجع لأ مش معقول
في قدّامي مكاتيب من سنين
زهقت ورد ومنتور وياسمين
حبيبي، حبيبي، ما عاد يلمسني الحنين

[فاصل موسيقي]

[المقطع الثاني]
في ماضي منيح بس مضى
صفّى بالرّيح بالفضا
في ماضي منيح بس مضى
صفّى بالرّيح بالفضا
وبيظل تذكار عن مشهد صار
في خبز، في ملح، في رضى
ويوميّة ليل وبعده نهار
عمري قدّامي عم ينقضى
شوف القمح اللي بيطلع بسهول
شوف المي اللي بتنزل ع طول
حبيبي إحساسي هالقدّ معقول يزول
شو بتخبّر أصحاب وزوّار
عنّي إنّي محدودة وبغار
بس حبيبي كرمالي إتنيناتنا منعرف شو صار
إتنيناتنا منعرف شو صار