Green Grow the Rashes, O Ewan MacColl

[Verse 1]
There's nought but care on ev'ry han'
In ev'ry hour that passes, O:
What signifies the life o' man
An' 'twere na for the lasses, O

[Chorus]
Green grow the rashes, O;
Green grow the rashes, O;
The sweetest hours that e'er I spend
Are spent amang the lassies, O

[Verse 2]
The war'ly race may riches chase
An' riches still may fly them, O;
An' tho' at last they catch them fast
Their hearts can ne'er enjoy them, O

[Chorus]
Green grow the rashes, O;
Green grow the rashes, O;
The sweetest hours that e'er I spend
Are spent amang the lassies, O

[Verse 3]
But gie me a cannie hour at e'en
My arms about my dearie, O;
An' war'ly cares, an' war'ly men
May a' gae tapsalteerie, O!