Gowa 3aa’li III - جوا عقلي ٣ Mousv - موسى

[المقطع الأول]
تخيلني قاعد في أوضة ومتكتف
مليانة شخبطة عن طفل بيتأسف
الإضاءة خافتة، مافيش أي مهندس
الحاجات دي مقتل، ماما مش وقتك
بلاش تخشي جوا عقلي أنا بحاول
بلاش تزعقي عشان خاطري، أنا أسف
بلاش تقوليلي إني فاشل، أنا عارف
مش هنام وأنا واقف، كنت بس بتاوب
كنت بس بتحارب، أو أسف أنا ألدغ
الناس دي بتحاول تقتلني بغبائها
كل مرة بتكلم بحس إني مادة للسف
ووه، الحاجات دي مش سهلة
الحاجات دي في المتحف بتخليني عظيم
بس في العالم ده لأ بتخليني مافيش
‫لإن في دماغي في لافتة بتقولي "إنت مين؟"
ومش طبيعي كل ما أسأل الإجابة بتزيد إسم
حاسس إني بسيح، نفسي أبيد جسمي
محبوس جوا كيس شيبسي، شيء نسبي
‫مافيش Let's be عشان هكون أنا
هموت وأسيب كتفي يعبدوه وثن
وسط الطوب جبل، ده جزء بس
‫وسط هدوء النفس في Ghost مسخ
بيبصلي بعيون، جوا مني سهم
قالي هما فاسدين عشان حسن النسخ
عشان بطئ الوقت هحاول أنجزك
فحط اللحم قدامي هثبتلك
إن الظلم سهل والحياة بنت وسخة
ومش هتفك النحس إلا لو بقيت كده