Akhina - أخينا El Joker - الجوكر

[المقطع الأول]
من وهو لسه صغير والجيران بتحلف بيه
المتفوق المؤدب اللي جامع دنيا ودين
كبر ودخل جامعة وآن أوان تاء التأنيث
يمكن ما شافش بورنو بس إتفرج على ونيس
ورغم طول الرحلة فالوصول بينسي التعب
أخينا لقى أخيراً اللي تحبه ويحبها
دايماً كان بيكلمها عن إن التعليم تجهيل
واحد زيه في بلد بتفهم كان زمانله شأن كبير
فهمها حاجات كتير، في الآخر فهمته
إن حوا مش لآدم، حوا لفلوسه وشقته
وفي عز ما هو حزين
الأتوبيس وقف في كمين
الضابط قاله إنزلي، نزل، زقه للأمين
شاف بطاقته، بدأ تفتيش
إقلعلي الكوتش، يا باشا معيش
ممنوعات، فما تحرجنيش
طب جنب إخواتك يا برستيج
روح بعد يوم طويل مالوش تعازي مقبولة
يمكن حزين من الأول بس نفسه مش مكسورة

[اللازمة]
كان ممكن يبقى حاجة لو البلد قدرته
كان ممكن يبقى آدم لو ما كانتش حوا سابته
كان ممكن يبقى حاجة وكل حاجة رجعته
من طريق كان ماشي فيه مُتجاهل كل اللي بيحبطه
كان ممكن يبقى حاجة لو البلد قدرته
كان ممكن يبقى آدم لو ما كانتش حوا سابته
كان ممكن يبقى حاجة وكل حاجة رجعته
من طريق كان ماشي فيه مُتجاهل كل اللي بيحبطه