Mabqatchi Rajla - ما بقاتشي رجلة Kamel Messaoudi - كمال مسعودي

"كلمات كمال مسعودي "ما بقاتشي رجلة
اضغط هنا لقراءة المزيد من كلمات وقصائد الشعبي الجزائري

[لازمة] (x2)
ما بقاتشي رجلة في ذا الزمان، ما بقات الكلمة
غير كترت الهدرة باللسان وفعايل معدومة

خارج من دارو كي تشوفو تنخلع
يظهّر في نيابو يزهر كي السبع
يقول من عندي ومن بعدي تنقطع
ما قنع في حياتو عمرو لا شبع
يجي عندك يحضر كي تكون فالوسع
ونهار تضياق عليك تقول ما سمع
قال كلمة واليوم عليها رجع
طاح قدرو فالحومة
طاح قدرو فالحومة

[لازمة] (x2)
ما بقاتشي رجلة في ذا الزمان، ما بقات الكلمة
غير كترت الهدرة باللسان وفعايل معدومة

واحد باقي ساكت تقولشي مخاصم
ويقول أنايا نتكلم غير كي توالم
ما نفع روحو لا غيرو بشي كلايم
الباطل صاير قداّمو بالعرارم
إذا نطق وتكلم يهدر كي الحاكم
داخل في سوق الجملة بلا دراهم
ناس بكري شطحت ورمات المحارم
وين تبانو انتوما
وين تبانو انتوما