A Waukrife Minnie Robert Burns

На этой странице вы найдете полный текст песни "A Waukrife Minnie" от Robert Burns. Lyrxo предлагает вам самый полный и точный текст этой композиции без лишних отвлекающих факторов. Узнайте все куплеты и припев, чтобы лучше понять любимую песню и насладиться ею в полной мере. Идеально для фанатов и всех, кто ценит качественную музыку.

Whare are you gaun, my bonie lass,
Whare are you gaun, my hinnie?
She answered me right saucilie,
"An errand for my minnie."

O whare live ye, my bonie lass,
O whare live ye, my hinnie?
"By yon burnside, gin ye maun ken,
In a wee house wi' my minnie."

But I foor up the glen at e'en.
To see my bonie lassie;
And lang before the grey morn cam,
She was na hauf sae saucie.

O weary fa' the waukrife cock,
And the foumart lay his crawin!
He wauken'd the auld wife frae her sleep,
A wee blink or the dawin.

An angry wife I wat she raise,
And o'er the bed she brocht her;
And wi' a meikle hazel rung
She made her a weel-pay'd dochter.

O fare thee weel, my bonie lass,
O fare thee well, my hinnie!
Thou art a gay an' a bonnie lass,
But thou has a waukrife minnie.