Alles kann ich ligge Bläck Fööss

De Hebamm sät: "Jung, et es esu wick"
Nä, denke ich, och et hät noch Zick
Ich drieh mich noch ens en d'r Fruchtblos öm
Do spür ich en ieskahle Zang am Kenn
Un ich daach bei mir, bliev mer doch vum Liev
Alles kann ich ligge, nur nit wemmer mich driev

De eetste sechs Johr han ich durchjeschlofe
Bes mich dann de Konseguenze trofe
Vun hück op morje vun d'r Bruß jenomme
Un vill zo hastich an d'r Nüggel jezwunge
Für dä Prozeß wor ich innerlich nit rief
Alles kann ich ligge, nur nit wemmer mich driev

Leck ens am Aasch es och ene Danz
Dä de, wenn de wells, och em Lijje danze kanns
Noh jedem April kütt ald widder ne Mai
Un em Rubbedidup es e Johr vorbei

Ich moot em Jade Schnecke fange
Die simmer immer all laufe jejange
Motiviert wie ne naaße Schwamm
Fing ich en Lihr als Naakswächter an
Ävver dat wor mer doch ze arbeitsintensiv
Denn alles kann ich ligge, nur nit wemmer mich driev