Fou2 W Et3lem - فوق وإتعلم Ahmed Saad - أحمد سعد

[المقطع الأول]
الدنيا كده فوق وإتعلم
تاخد حاجة وتسيب حاجة
وإللي يعوز يكسب من كله
صدقني ولا بيكسب حاجة
(بيكسب حاجة)
إنت إللي بتكتب نهايتنا
وعنادك قصر سكتنا
أنا خدت الحلو في حكايتنا
ومفارق مش خسران حاجة

[اللازمة]
مش عايز تتنازل مرة
طب بالمرة خد سكة وروح
إنسى إنك تتعلم فيا
أو يا عنيا أنا أبات مجروح
مش عايز تتنازل مرة
طب بالمرة خد سكة وروح
إنسى إنك تتعلم فيا
أو يا عنيا أنا أبات مجروح

[المقطع الثاني]
ما منعتش عنك إحساسي
إنت إللي مشاعرك كدابة
وإن يوم ملّيت من حكايتنا
ما تصدق تبكي على ربابة
كان لازم أسيبك من يومها
في حاجات لازم تتعلمها
قبل ما تشكي الناس وتلومها
شوف نفسك قبل ما تتغابى