Tasweer Jokhay, JJ47 & Talha Anjum

[Verse 1: JJ47]
Khuda ne ser ko kaha toh phir chalenge kabhi
Safar taweel hai raaste milenge kabhi
Tumhari yaad ka ek baagh laga bethe hai
Hazaro phool issi umeed mein khilenge kabhi
Lakeer kheench ke jo teer bana betha hu
Ek ajeeb si tasweer bana betha hu
Tum khuli aankh se kab tak khuwab dekhoge
Main bichhre yaar ki tabeer bana betha hu
Main khud mein qaid hu zanjeer bana betha hu
Khud ko kis qadar haqeer bana betha hu
Ke ab tu hi rahe ghaib mein aur zahir bhi
Tere jaiso ko main peer bana betha hu
Charo aur hain afsurdagi din dhal chuke hain
Jo dil mein dard the do pal keliye pal chuke hain
Tum dekh aaye ho dunya tou ab wapasi kyun?
Hum uss maqam pe nahi wahan se chal chuke hain
Humari iss tarah se koi guftagu bhi rahе
Itne paas ho ke teri khushbu bhi rahе
Tujh mein main basu mujh mein tu bhi rahe
Ke kaam ho bhi jaye aur mera wazu bhi rahe
Aur yeh sab bolne ko mera jaana mun bhi rahe
Seene mein dil bhi rahe
Tu bhi rahe
Rooh bhi rahe
Mili hai duniya lekin teri aarzu bhi rahe
Hum tum se duur khare hoke tumhe chuu bhi rahe
Hum paharon mein uray baaz the ab cheel bane
Mere ashar mere gaane meri feel bane
Aur tere liye tou yeh sab bas ek reel bane
Mere sheher mein tou sab tere wakeel bane
Kuch tou hadd se guzar gaye ke zaleel bane
Tu ab tu na raha kon tera kafeel bane
Ab jo likh diya hai woh meri daleel bane
Tum tou raaste dikha ke un mein keel bane